எப்போதுமே காதலுக்கு அந்தஸ்து எதிரிதான் ,
விட்டு போன எனது துயரங்களை மீள் பரிசீலிக்க அடிக்கடி வந்து செல்கிறாள் வட்டி கேட்கும் கடன்காரனாய் ,எதையும் பெறாமல் வட்டியும் முதலுமாய் செலுத்தும் கடன்காரன் நான் . நீ எடுத்த சென்ற என் சந்தோசங்களை மீட்டு தர யாராலும் முடியவில்லை ,நீ தந்தவைகளை எடுத்துக்கொள் ,என்னை மட்டும் திருப்பி தந்து விடு .....உனக்காக மட்டும் ஒட்டி கிடந்த அந்த ஒற்றை சதையை கசாப்பு கடைகாரனின் மனம் கொண்டு வெட்டி எறிந்து விட்டாய் .....நீ எனக்கு தோழியாக மட்டுமே இருந்திருக்கலாம் நானும் தோழனாகவே வாழ்ந்திருக்கலாம்..
மழை பெய்து நிற்கும் முன் என் வாழ்வில் வந்து வசந்தம் தந்து சென்றாய்,துளியின் ஈரம் கூட மண்ணை தொடவில்லை அதற்குள் மறைந்து விட்டாயே உனது பிரிவுகள் என் பார்வைப்புலத்தினின்றும் அகன்றன.. உன்னை பின்தொடரவியலாதபடி என்னை விட்டு அகன்று சென்று விட்டாய் ...(Feb 12th ) இப்போது அதுவல்ல பேச்சு உன் நேசத்தால் இழந்த என் வாலிபத்தை மட்டும் திருப்பி தந்து விடு எல்லாவற்றையும் எடுத்தச்சென்றபின் உன் நினைவுகளை மட்டும் இங்கெதற்கு வைத்திருக்கிறாய் எடுத்து சென்று விடு
என் அத்தனையும் மறந்து உன்னிடம் மண்டி இட்டு கேட்டேன் நீ மட்டும் என்னவளாகி விடு என்று ..உன் ஆங்கில வார்த்தைகள் என் உணர்வுகளை காயப்படுத்திவிட்டது அப்படி தான் பேசினாய் ..எனக்கென்று எதையும் கேடு பெறுபவன் அல்ல என் நீண்ட பயணத்தின் முடிவில் உன் முகவரி மட்டும் இருக்க வேண்டும் ..
ஆழ்ந்த மூச்சை இழுத்துக்கொள்கிறேன்.
நான் சபிக்கப்பட்ட கடவுளின் நோஞ்சான் குழந்தை.. உன் பிரியங்கள் எனக்கு வாய்ப்பதில்லை..
கருத்துகள் இல்லை:
கருத்துரையிடுக