உலகைச் சிரிக்க வைத்த சோகத்தில் ஆழ்ந்த ஏழை சார்லி சாப்ளின் .அவருடைய வரலாறு கல்லையும் கரைய வைக்கும் .
வறுமை !வறுமை !வறுமை !
அவர் வாழ்வில் விடாப்பிடியாக சூழ்ந்து கொண்ட வறுமை தான் அவரது எல்லாக் கண்ணீருக்கும் காரணமாக அமைந்தது .சிறுபராயத்தில் சார்லினை வறுமை துரத்தி துரத்தி அடித்தது .பின்னாளில் வறுமையை அவர் ஓரளவு வெற்றி கொண்ட போதும் வறுமையால் தோற்ற அவரது காதல் கடைசி வரை அவரை கண்ணீரால் கலங்கடித்தது !
கலையுலகில் ஓரளவு முன்னேறிய காலக்கட்டத்தில் சார்லினின் மனதில் காதல் அரும்பியது .ஹெட்டி என்ற பெண்ணைக் காதலித்தார் .ஆனால் அந்தக் காதல் கைகூடவில்லை . சார்லினின் ஏழ்மையைக் காட்டி காதலைப் பிரித்தான் ஹெட்டியின் அண்ணன் .முதல் காதல் வறுமையால் போயிற்று .
அந்த காதல் தோல்வியை சார்லி சாப்ளினால் தாங்கி கொள்ளவே முடியவில்லை .தனது வாழ்வின் மகிழ்வை அடியோடு அழித்த நிகழ்வை ,வறுமையை மனதிற்க்குள் சபித்தார் .
அக்காதல் தோல்வி சார்லி சாப்ளினை வாழ்நாள் முழுக்க சித்திரவதை செய்தது !வறுமை நிலை காதலைக் கொன்று விடும் !காதலர்களையும் மனதால் கொன்று விடும் !வருமையாளன் காதல் கொண்டால் அவ்வறுமையே அக்காதலைப் பழி வாங்கி விடும் என்பதற்கு சார்லி சாப்ளினின் காதல் தோல்வியே தக்க சான்றாகும் .
தனது காதலியின் நினைவுகளிலிருந்து தப்பிக்க சார்லி கடும் முயற்சி செய்ய வேண்டியிருந்தது .தன காதலி ஹெட்டியை போலவே இருக்கிறாள் என்று சார்லி சாப்ளின் மில்ட்ரெட் ஹாரிஸ் என்பவளைத் திருமணம் செய்து கொண்டார் .அந்த வாழ்வு சார்லிக்கு நிலைக்கவில்லை .
அதற்க்கு பின்னர் லிட்டா கிரே ,பவுலட் கோடர்ட் ,ஊநா ஓ நீல் போன்றவர்கள் மீது சார்லி சாப்ளின் காதல் வயப்பட்டதும் காயப்பட்டதும் தனித்த துன்ப வரலாறுகள் .அவர்கள் அனைவரும் தோற்றத்தில் பார்ப்பதற்கு அவரது முதல் காதலி ஹெட்டியை போலவே இருந்தார்கள் என்பதுதான் அதிசயமான தகவல் .அதனால் தான் அவர்களைச் சார்லி சாப்ளின் காதலித்தார் .
உள்ளத்தில் உருவான முதல் காதலை யாராலும் மறக்க முடியாது என்பதற்க்கு சார்லியின் எடுத்துகாட்டு .தனது வாழ்நாளின் இறுதிவரை தனது காதலி ஹெட்டியை அவரால் மறக்க முடியவில்லை .சார்லி சாப்ளின் புகழின் உச்சியில் நேரம் .தீடிரென்று ஒருநாள் அவரது பெயருக்கு லண்டனிலிருந்து ஒரு கடிதம் வந்தது .யாரை மறக்க முடியாமல் தவித்தாரோ .யார் யாரையெல்லாம் ஹெட்டியாக நினைத்தாரோ ?அந்தக் காதலியிடமிருந்து தான் அக்கடிதம் வந்திருந்தது .
சார்லி சாப்ளினுக்கு அடக்கமுடியாத மகிழ்ச்சி !மனம் படபடவென அடிக்க ...இதயம் ஹெட்டி ...ஹெட்டி ....என்று கூற ,வேகவேகமாக அக்கடிதத்தைப் பிரித்து படித்தார் .அக்கடிதத்தில் அவரது முதல் காதலி என்னை நினைவிருக்கிறதா ?நான் தான் ஹெட்டி !நான் ஒரு முட்டாள் ,அபாக்கியசாலி .நீங்கள் எவ்வளவு உயர்ந்தவர் என்பதை உங்களின் படத்தைப் பார்த்துதான் தெரிந்து கொண்டேன் .நீங்கள் லண்டன் வருவதாக இருந்தால் எனக்கு தெரிவியுங்கள் .கடைசியாக உங்களின் கைகளைப் பிடித்துக் கதறி அழவேண்டும் .நான் என்னுடைய தவறுகளுக்காகத் தங்களிடம் மன்னிப்பு கேட்க வேண்டும் !என்று கடிதம் எழுதி இருந்தால் .
கடிதத்தைப் படித்து பார்த்த சார்லிக்கு கால்கள் தரையில் நிற்கவில்லை .வானத்தில் பறந்தார் .யாரைப் பார்க்கமுடியாது என்று நினைத்து நினைத்து வருந்தினாரொ ?யாரைப் பார்த்து இனிப் பேசமுடியாது என்று கருதினாரோ ?யாரப் பார்க்காமலே இறந்து விடுவோமோ என்று நினைத்திருந்தாரோ ?அந்தக் காதலியிடமிருந்து இப்படியொரு அழைப்பு வந்ததைக் கண்டு அகமகிழ்ந்தார் சார்லி சாப்ளின் .
உடனே தான் பார்த்த எல்லா வேலைகளையும் அப்படி அப்படியே போட்டுவிட்டு லண்டனை நோக்கி பயணித்தார் சார்லி சாப்ளின் .லண்டனில் அவருக்கு மிகப்பெரிய வரவேற்புக்கு ஏற்பாடு செய்யப்படிருந்தது .பஞ்சையாய் ,பராரியாய் ,பிச்சைகாரனாய் இருந்த போது சார்லி சாப்ளினைத் துரத்தியடித்த அதே லண்டன் அவரை வரவேற்க விழாகோலம் பூண்டது .
சார்லியை வரவேற்க மக்கள் முண்டியடித்து கொண்டு நின்றிருந்தனர்.தனது நிலையையும் உலகத்தின் நிலையையும் எண்ணி சார்லி சாப்ளின் மனதிற்குள்ளேயே சிரித்துக் கொண்டார் .ஆனால் அவரது மனம் முழுமையும் அவரது காதலி ஹெட்டியே நிறைந்திருந்தது .அவளை உடனே பார்க்க வேண்டும் என்று துடித்த அவருக்கு இந்த வரவேற்பு மகிழ்ச்சியை தரவில்லை.விரைவாக சென்று தனது காதலியின் முகம் பார்க்க நினைத்தார் சார்லி சாப்ளின் .
ஆனால் காலத்தின் கொடுமை அங்கும் தலைவிரித்து ஆடியது .
இந்த தடவையும் ஹெட்டி சார்லி சாப்ளினை ஏமாற்றி தான் போயிருந்தால் !விதி !சார்லி சாப்ளினை பார்க்க முடியாமலே அவள் இவ்வுலகத்தை விட்டே சென்றுவிட்டால் .சார்லி சாப்ளினுக்கு செய்த துரோகமா ?அல்லது தன்னால் ஏமாற்றப்பட்ட சார்லியை எவ்வாறு எந்த முகத்தோடு எதிர்கொள்வது என்ற தன்னிலை இரக்கத்தின் காரணமா .?என்னவென்று சொல்ல முடியாத நிலையில் அவள் மரணத்தின் வாசலுக்குள் புகுந்தாள் !யாரைப் பார்க்க வேண்டும் என்று நினைத்தாலோ அவரைப் பார்க்காது அவரிடம் மன்னிப்பு கேட்காது மண்ணிலிருந்து விண்ணிற்கு ஏகினாள் .
ஹெட்டியை பார்க்க நினைத்து வந்த சார்லியால் அவளது மரணச் செய்தியைத்தான் கேட்க முடிந்தது !காலமெல்லாம் அவளின் நினைவாகக் கொஞ்ச கொஞ்சமாக செத்து கொண்டிருந்த சார்லி இடிபோன்ற இந்தச் செய்தியை கேட்டு மீண்டும் ஒரு முறை செத்துப்போனார் !ஆம் !கடவுளைப் போலவே காதலும் சரியாகப் புரிப்படாமலேயே இந்த பூமியை ஆண்டு கொண்டுதான் இருக்கிறது !சார்லி சாப்ளினால் ஓவென வாய்விட்டுக் கதறி அழக்கூட முடியவில்லை.அவ்வளவு மக்கள் வெள்ளம் !நடு இரவில் தன முகத்தை மப்ளர் கொண்டு மூடி ,பசியால் கதறி அழுது சுற்றி அலைந்து திரிந்த வீதிகளுக்கு மீண்டும் ஒருமுறை போய் மௌனமாக அழுதுவிட்டு வந்தார் அந்த மகா கலைஞன் !
